Galicia é territorio da Gimnástica
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Balance máis que satisfactorio para a Sociedad Gimnástica no Campionato de Galicia Absoluto de atletismo disputado durante toda a fin de semana en Ourense.
O club pontevedrés finalizou a competición como o máis laureado con 19 medallas, con 5 de ouro, 7 de prata e outras 7 de bronce.
Víctor Gallego conseguiu dúas das medallas de ouro, en lanzamento de peso e de disco, mentres o resto de vitorias foron para Santi Ferrer en pértega, Darío Costas en salto de altura e Iván Docampo nos 5.000 metros.
A imaxe do fin de semana deuse no lanzamento de disco, cun podio copado na súa totalidade por atletas da Gimnástica, xa que ao ouro de Víctor Gallego sumáronse o segundo e terceiro posto de Javier Guzmán e Martín Brea respectivamente.
Tamén se deron senllos dobretes en pértega feminina con Clara Gil e Paula Martín (prata e bronce) e en peso masculino, con Javier Guzmán acompañando desde a terceira praza a Víctor Gallego.
Completaron as medallas de prata Loreto Brea e Sergio Paredes en martelo, David Ferrer en lonxitude, Paula Santos nos 5.000 metros e a remuda 4x400 feminina.
Ademais foron bronce David Veiga 5 quilómetros marcha, David Domínguez en 400 valos, Ángeles Filgueira en xavelina e a remuda 4x100 masculina.
A cita serviu ademais de posta a punto para a última gran cita da tempada para o club pontevedrés, o Campionato de España Absoluto que terá lugar en Xixón a próxima fin de semana.
Relacionadas:
-
Última gran competición da tempada atlética para a Gimnástica
Por Redacción |
-
O equipo cadete feminino da Gimnástica, a un paso do Nacional por equipos
Por Redacción |
-
Marco Martínez consegue unha medalla de bronce no Nacional cadete de atletismo
Por Redacción |
-
Xornada de boas marcas no Memorial Celso Mariño
Por Mónica Patxot |