O equipo infantil do Club de Tenis Pontevedra proclámase campión galego
Por Redacción
Javier Pleguezuelos, Sergio Álvarez, Carlos Álvarez, Iago Domínguez e Alejandro Rouco son os nomes dos integrantes do equipo infantil do Club de Tenis Pontevedra que esta fin de semana proclamouse campión galego.
Na final, disputada ante o Club de Tenis Coruña, os locais venceron por un total de 3-1, resultado que fixo innecesaria a disputa do partido de dobres.
Nas roldas previas, os pontevedreses superaron ao Codesal da Guarda e ao Náutico de Vigo, respectivamente.
Estes catro xogadores son, segundo destacan desde o club, a savia nova formada na escola do Club de Tenis e a mellor garantía para incrementar o importante palmarés que a entidade pontevedresa loce no contexto do tenis galego.
Ademais da masculina, tamén se disputou a competición feminina, que foi gañada polo Club de Tenis Coruña tras derrotar ao Náutico de Vigo.