Karolina Pliskova crúzase no camiño de Lourdes Domínguez no Mutua Madrid Open
Por Redacción
Chega unha das citas importantes da tempada para Lourdes Domínguez, convidada pola organización do Mutua Madrid Open para tomar parte do cadro final do torneo.
A tenista pontevedresa, actualmente no posto 111 da clasificación mundial, acode ao prestixioso open madrileño despois de chegar a terceira rolda no WTA de Charleston (Estados Unidos) e a segunda no de Bogotá (Colombia), ambas as citas sobre terra batida.
En po de arxila tamén se xoga o Mutua Madrid Open, que este venres realizou o sorteo do cadro final.
Lordes Domínguez terá como rival no seu primeiro partido á checa Karolina Pliskova, número 18 do ránking WTA. Só existe un precendente entre ambas, en Luxemburgo 2013 sobre pista dura con vitoria para a tenista checa en tres sets.
A deportista galega afronta "con moitas ganas" a cita en Madrid, tal e como recoñeceu tras recibir a invitación do torneo, dentro dunha tempada sobre terra batida que concluirá a final de maio co segundo Grand Slam do ano, Roland Garros, no que Lourdes defende os puntos logrados a pasada campaña cando avanzou ata a segunda rolda.