Antonio Serrat e Camila Alonso vencen na recuperada Volta Pedestre a Aios
Por Redacción
Exitosa volta á vida da Volta Pedestre a Aios, que tras dous anos de ausencia viviu a súa edición número 29 cunha participación de 120 atletas.
En categoría masculina o vencedor foi o triatleta vigués Antonio Serrat, que ademais fulminou o récord da proba ao finalizar cun tempo de 17 minutos e 50 segundos. Tras el entrou Akka Essaadouoi na segunda praza e Víctor Riobó na terceira.
En canto á categoría feminina, a vencedora foi Camila Alonso, seguida de Raquel Suárez e Rocío Rodríguez, que completaron o podio.
Unha vistosa xornada de atletismo cos 5.750 metros de esixente percorrido entre a praia de Bascuas ata o alto de Copetiño.
A Asociación Xuvenil Os Raposos, mostrouse satisfeita polo desenvolvemento da proba e xa pon obxectivo para a próxima edición, superar os 300 deportistas inscritos.