O Marcón cae en Caselas (4-3) nun partido con polémica arbitral
Por Redacción
Deixou escapar o Marcón Atlético unha boa oportunidade para practicamente asegurar a súa permanencia ao caer en Salceda fronte ao Caselas, nun partido no que os de Carlés víronse castigados con dous penaltis en contra, para, tras neutralizar ata en tres ocasiones os goles do equipo local, encaixar un cuarto tanto que lles custaba a derrota cando xogaban en superioridade por expulsión de Rubi.
Lago, de cabeza, adiantaba ao Caselas aos dous minutos de xogo, empatando Sapi no 18, ao resolver un man a man co porteiro local.
Aos 23 minutos chegaba o primeiro penalti favorable ao Caselas, que transformaba Rubén.
Ao pouco de comezar a segunda parte empataba o Marcón, ao rematar Dani de cabeza un corner. Cando parecía que o Marcón controlaba o partido, un novo penalti, moi protestado, serve para que de novo Rubén adiante ao Caselas (minuto 78), dando paso a uns minutos frenéticos, xa que practicamente nada máis sacar de centro Aarón remata unha falta lateral conseguindo o empate a tres.
Rubi era expulsado, noutra decisión polémica do colexiado, por dobre amoestación, deixando ao Caselas con 10, pero a pesar da inferioridade numérica, faltando sete minutos para o final, Couso marca o tanto da vitoria para o equipo local, que con estes tres puntos mantén as esperanzas de eludir o descenso.
Consulta aquí o acta do partido.
Relacionadas:
-
O Marcón salva un importante punto ante o Sanxenxo no último minuto (1-1)
Por Redacción |
-
O Unión Grove sorprende ao Villalonga e o Céltiga cae en Porriño
Por Redacción |
-
Baptiste dálle tres importantes puntos ao Marcón no desconto (2-1)
Por Redacción |
-
O Marcón cede na segunda metade ante o Cultural Areas (3-1)
Por Redacción |