José Enrique Porto e César Neira, incluídos no equipo nacional para o Mundial de Ciclismo Adaptado
Por Redacción
O seleccionador nacional de ciclismo adaptado, Félix García Casas, incluíu a dous ciclistas do Grupo Deportivo Superpermados Froiz no equipo que defenderá a España no Mundial de Pista que se celebrará do 17 ao 20 de marzo na localidade italiana de Montichiari.
Alí estarán José Enrique Porto e César Neira, este último tras lograr hai poucos días tres medallas de ouro no Campionato de España celebrado en Galapagar, nas probas de persecución, scratch e quilómetro.
Neira competirá en Italia nestas tres disciplinas na súa categoría de C4, mentres Porto participará no quilómetro e en velocidade no tandem que forma agora xunto a José Antonio Escudero tras ausentarse do recente Campionato de España.
A de Montichiari é a última competición internacional que outorga puntos clasificatorios para os próximo Xogos Paralímpicos de Río de Janeiro.