Óso duro para o Poio Pescamar na visita do Burela
Por Redacción
Despois dunha semana de descanso volve a competición para o Poio Pescamar e faino cun duelo de alta esixencia ante un dos aspirantes ao título de campión da máxima categoría, o Burela.
As vermellas reciben este sábado (18:30 horas) no Pavillón Municipal da Seca ao segundo clasificado, ao que coñecen ben ao terse enfrontado dúas veces esta tempada, en liga (5-3) e en Copa Xunta (3-2), con resultado favorable ás lucenses en ambas as ocasións.
Con todo as xogadoras adestradas por Jorge Basanta non renuncian á sorpresa na súa loita por afastarse definitivamente dos postos de descenso, dos que agora lles separan nove puntos.
Basanta poderá contar con todo o plantel para a cita, aínda que está pendente do estado de Pipi ao arrastrar problemas nun nocello que lle poden deixar finalmente fóra da convocatoria. Pola súa banda o Burela chega coas dúbidas de Maite e Peque.