Verducido abre a tempada oficial de piragüismo co Campionato Galego de Inverno
Por Redacción
A pista de piragüismo David Cal de Pontillón do Castro, Verducido, dará o vindeiro sábado 27 de febreiro o pistoletazo oficial á tempada do piragüismo autonómico.
Farao coa disputa do Campionato Galego de Inverno, na que se inscribiron 600 padexeiros de 37 clubs da Comunidade.
Disputarase a partir das 9:30 horas sobre a distancia de 5.000 metros para as categorías cadete, xuvenil, senior e veterano.
Entre os clubs o segundo que máis deportistas achega, con 39, é o Club Naval de Pontevedra, só superado polo Club As Torres con 43.
Na lista de inscritos figuran grandes nomes como Carlos Pérez 'Perucho', que vén de anunciar a súa intención de pelexar pola clasificación olímpica no K-2 1.000 metros xunto ao pontevedrés Álvaro Fernández Fiuza, ou a xa clasificada para Río Teresa Portela.
En canoa Diego Romero (Breogán do Grove) tentará repetir título co seu compañeiros de equipo Tono Campos como un dos seus principais adversarios, mentres en categoría feminina Raquel Rodríguez (Cidade de Pontevedra) é a principal favorita.
Consulta aquí a orde de saída nas categorías cadete, xuvenil e senior e tamén na categoría de veteranos.