Okutu, ante o seu reto máis difícil
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
Jean Marie Okutu atópase inmerso no medio da tempada atlética baixo teito nun ano no que os obxectivos, aínda que alcanzables, son máis complicados que nunca.
O triplo campión de España de salto de lonxitude debe superar amplamente o seu record galego para aspirar a estar nos Xogos Olímpicos. A súa mellor marca ao aire libre son os 8,04 metros logrados o pasado verán en Sierra Nevada, e a mínima olímpica, que debe acreditar entre o 1 de maio e o 11 de xullo, sitúase nos 8,15 metros.
Antes, en pista cuberta, asoma no horizonte o Campionato do Mundo de Portland (Estados Unidos) para o que a marca mínima é máis elevada, de 8,18 metros, un rexistro díficil de lograr a estas alturas de tempada.
O atleta marinense do Fútbol Club Barcelona acredita polo momento este ano 7,76 metros na Copa do Rei celebrada en xaneiro en Valencia, pero buscará mellorar o seu rexistro nas próximas competicións.
No seu calendario conta con dúas opcións claras en pista cuberta como o Miting Centenari, que terá lugar o vindeiro venres 19 de febreiro en Sabadell, e o Campionato de España en Pista Cuberta que se disputará na nova instalación atlética de Madrid, o Centro Deportivo Gallur, os días 5 e 6 de marzo.
O Campionato do Mundo de Portland terá lugar entre os días 18 e 20 de marzo.
Relacionadas:
-
Jean Marie Okutu consegue no Iberoamericano a mellor marca nacional do ano en lonxitude
Por Redacción |
-
Cos Xogos Olímpicos entre cella e cella
Por Diego Espiño |
-
Okutu voa ata os 8,04 metros en lonxitude pero queda a un paso da mínima mundialista
Por Redacción |
-
Okutu, subcampión de España pero sen mínima para o Mundial
Por Redacción |