O Céltiga axexa a zona de ascenso directo e o Villalonga mantense firme na cabeza
Por Redacción
A só tres puntos do ascenso directo se situa o Céltiga despois de vencer pola mínima no campo do Cultural Areas (0-1).
Un gol de Machu aos 70 minutos deu tres importantes puntos aos da Illa nun encontro traballado aproveitando o tropezo do Gondomar para manterse terceiro con 47 puntos, a tres do segundo.
Líder destacado segue o Villalonga, que se desfixo en San Pedro do Monterrey nun choque que non se decidiu ata a segunda metade, con goles de Manu Santos e Javi Pazos. Os celestes, con 57 puntos, manteñen dez puntos de renda sobre o Céltiga.
O que se viu freado esta xornada foi o Xuventú Sanxenxo, ao encaixar unha contundente derrota no seu campo ante o Alertanavia (0-3). Despois dun temperán gol dos visitantes, o cadro amarelo tentou reaccionar, pero cando estaba envorcado na busca do empate chegaría, xa no últimos minutos, a sentenza. O Sanxenxo queda con esta derrota na sétima praza con 38 puntos.
Pola súa banda, o Unión Grove está un pouco máis preto do descenso tras caer en casa do Ourense CF (3-2) nun partido no que se adiantou pero no que non puido aguantar a súa vantaxe. O cadro meco é décimo sexto con 25 puntos, con dous de vantaxe sobre o descenso.