O Sanxenxo prolonga o seu bo momento, o Portonovo golea e o Céltiga axexa a zona de ascenso
Por Redacción
Nove xornadas sen perder encadea xa o Xuventú Sanxenxo en liga, situándose cada vez máis preto do cuarto posto.
Os pupilos de Óscar García venceron no campo do Monterrey (1-3) nun choque que se decidiu na segunda metade. Cristóbal Domínguez adiantou aos amarelos no 53 e Diego González encarrilou o partido co 0-2 só dous minutos despois. Recortou distancias o Monterrey, pero Cristóbal Domínguez repetiu a fata de 11 minutos para sentenciar.
Con este triunfo o Sanxenxo mantense na sétima praza con 38 puntos, a catro da zona de promoción de ascenso.
Terceiro segue un Céltiga que tivo que suar para dobregar na Illa ao Atios (1-0), algo que conseguiu cun solitario gol de Ramón no minuto 83 que os coloca a só cinco puntos do ascenso directo tras o tropezo do Gondomar ante o Marcón.
Tamén conseguiu unha vitoria o Portonovo, de maneira clara en Baltar ante o Ourense CF (3-0), con goles de Marcos Blanco aos 13 minutos, Buba no 65 e Esperón no 88. Os arlequinados son agora oitavos con 34 puntos.
O que perdeu este xornada é o líder da Preferente, o Villalonga, que se viu superado no campo do Arenteiro (1-0). A pesar diso mantén cinco puntos de renda sobre o segundo clasificado e dez sobre o terceiro.
Pola súa banda o Unión Grove encaixou unha dolorosa derrota no Monte da Vila ante un rival pola permanencia como o Domaio (0-1), que lles deixa no décimo sexto posto con 25 puntos, só tres por encima da zona de ascenso directo.