Un gol nos últimos segundos tumba ao Poio Pescamar ante o Rubí (3-4)
Por Redacción
Na man tivo o Poio Pescamar pechar a primeira volta da liga con 22 puntos, o seu mellor rexistro desde que ascendeu á máxima categoría, pero para iso necesitaba un triunfo que voou da Seca cando o tiña na man.
Ante o mesmo rival que conseguiu hai tres anos o ascenso, o Rubí catalán, as vermellas dominaron boa parte do choque, pero viron como as visitantes remontaban nos últimos minutos e levaban a vitoria cun gol a falta de escasos segundos.
Charo adiantou ao Poio aos 4 minutos, e Ale de Paz no 12 confirmaba a superioridade vermella na primeira metade, chegando ao descanso con 2-0.
Nada máis comezar a segunda metade Nere Moldes encarrilaba o choque co terceiro tanto, pero cando mellor pintaban as cousas para o equipo adestrado por Jorge Basanta o Rubí empezou a carburar.
O cadro catalán recortou distancias no minuto cinco do segundo acto, pero non foi ata os minutos finais cando puxo en apuros ás locais.
Con goles a falta de catro e dous minutos conseguiron empatar o choque. Bastanta pediu tempo morto e apostou por xogar de cinco, pero lonxe de chegar o gol do triunfo, sentenciaría o Rubí sen tempo para a reacción.
Relacionadas:
-
Remontada incompleta do Poio Pescamar fronte ao Cidade de As Burgas (6-5)
Por Redacción |
-
O Alcorcón fai valer o seu poderío para impoñerse ao Poio Pescamar na Seca (1-3)
Por Redacción |
-
Os penaltis apartan ao Poio Pescamar da final da Copa Xunta
Por Redacción |
-
O Poio Pescamar pecha a primeira volta co seu partido máis especial
Por Redacción |
-
Poio Pescamar gaña pero termina sufrindo na súa visita ao pechacancelas Elche (2-3)
Por Redacción |