Acanor Atlético Novás pasa por encima do Poio Artai como unha apisoadora (38-14)
Por Redacción
Hai resultados que evitan calquera comentario ou crónica sobre o sucedido nun partido. É o caso do choque que enfrontaba no Rosal a Acanor Atlético Novás e Poio Artai. Os locais foron unha apisoadora ante a que nada puido facer o equipo de Augusto Aláez.
Nada menos que 24 goles foi a diferenza final (38-14) dun partido sen historia no que o Poio apenas aguantou en pé cinco minutos (3-2) e comezou a arrodillarse a partir do minuto 20 (8-4).
O resto foi un calvario. Ao descanso a diferenza era xa insalvable, pero o peor foi a sensación de impotencia atacante dos visitantes, que só conseguiron facer 6 goles nos primeiros 30 minutos (15-6).
Se a primeira parte foi un paseo para o Novás, a segunda foi aínda máis sinxela, a pesar da lóxica relaxación. As diferenzas creceron en cada parcial ata ese esmagador 38-14.