Lourdes Domínguez despídese do Open de Australia na primeira rolda tras caer en tres sets
Por Redacción
Vendeu cara a súa derrota Lourdes Domínguez no primeiro Grand Slam da tempada, o Open de Australia, que deu comezo este luns en Melbourne.
A tenista pontevedresa despídese do torneo en primeira rolda tras perder ante a alemá Anna-Lena Friedsam nun partido intenso que foi ata as dúas horas e trece minutos de xogo.
Friedsam, número 82 do ránking WTA, levou a primeira manga na morte súbita, pero Lourdes reaccionou no segundo set para impoñerse 6-2 e igualar o partido.
Con todo a galega pagou o esforzo e non foi capaz de competir ante a alemá no parcial definitivo, que se escapou por un 1-6, polo que non puido igualar o seu mellor resultado en Australia, a segunda rolda alcanzada en 2007, 2009 e 2011.
Relacionadas:
-
Sorteo benévolo para Lourdes Domínguez en Roland Garros
Por Redacción |
-
Karolina Pliskova crúzase no camiño de Lourdes Domínguez no Mutua Madrid Open
Por Redacción |
-
Lourdes Domínguez colabora desde o dobre co triunfo de España en Copa Federación
Por Redacción |
-
Lourdes Domínguez volve tres anos despois ao equipo español de Copa Federación
Por Redacción |
-
Cruzamento accesible para Lourdes Domínguez na primeira rolda do Open de Australia
Por Diego Espiño |
-
Lourdes Domínguez inicia en Hobart unha nova tempada na elite do tenis
Por Diego Espiño |