A Sociedad Gimnástica revalida título na Copa Galicia de pista cuberta
Por Redacción
Novamente gran resultado o conseguido na matinal deste domingo, polos atletas da Sociedad Gimnástica que participaron na Copa de Galicia de pista cuberta, disputada nas pistas do Palacio de Deportes de Riazor, na Coruña.
Despois de tres anos seguidos gañando a competición, os mozos volveron sumar un cuarto cordón no alto do podio, unha xesta que se celebrou coma se fose a primeira vez. Ademais, na clasificación conxunta dos dous sexos a Gimnástica foi tamén o mellor equipo do campionato. Mágoa que as mozas non subisen ao podio ao clasificarse no quinto posto.
En canto aos resultados parciais, os atletas pontevedreses sumaron cinco vitorias. Darío Costas no salto de altura, Santi Ferrer Alonso en pértega, o relevo masculino, con Jon Alonso, Darío, Jorge Puig e Adrián Lago; Jorge nos 800 metros e Víctor Gallego no lanzamento de peso.
En segunda posición quedaron David Ferrer no salto de lonxitude, Emma Lorenzo na pértega, Iván Docampo nos 3.000 metros lisos e Adrián Lago nos 1.500 metros.
Os terceiros postos foron de Paula Martín no salto de lonxitude, Sandra Carballo no lanzamento de peso, Rocío Rodríguez nos 1.500 metros lisos e Jon Alonso nos 200 metros lisos.
Este resultado reforza o optimismo do club pontevedrés para as importantes citas que quedan para o resto deste mes de xaneiro, o Campionato Galego absoluto, o autonómico de cros curto e a Copa do Rei.
Relacionadas:
-
A Gimnástica afronta con ilusión a súa participación na Copa do Rei de atletismo
Por Redacción |
-
Chegar á decena de medallas, meta da Gimnástica no Campionato Galego en Pista Cuberta
Por Redacción |
-
Hurtado defenderá á Gimnástica no Nacional de Medio Maratón máis aberto dos últimos anos
Por Redacción |
-
A Gimnástica xa ten rivais para a primeira xornada da División de Honra
Por Redacción |
-
A Copa Galicia de atletismo, pedra de toque para a Gimnástica
Por Redacción |
-
Á espera de rivais para a primeira xornada da División de Honra de atletismo
Por Redacción |
-
A Gimnástica reedita o título de campión galego de probas combinadas
Por Redacción |