Portas reuniu case 1.500 nenos durante os zonais de campo a través
Por Redacción
A Azucreira de Portas vibrou durante tres días co mellor deporte escolar ao celebrarse alí de novo os Zonais de Campo a través, incluídos dentro do Programa Xogade.
En total foron case 1.500 os nenos que participaron nas diferentes categorías, en idade benxamín, alevín, infantil e cadete.
No primeiro dos días de competición tomaron parte 825 deportistas do Val do Salnés (consulta aquí os resultados), é dicir, O Grove, Sanxenxo, Meis, Meaño, Cambados e Vilagarcía de Arousa.
A segunda xornada foi a quenda de Portas, Caldas de Reis, Moraña, Cuntis, Valga e Pontecesures, con 345 participantes (aquí os resultados), mentres na terceira e última reuníronse 300 atletas de Pontevedra por clubs, con representantes da cidade do Lérez, Marín, Soutomaior, Vilaboa, Poio, Caldas de Reis, Vilagarcía, Cuntis, Moraña e Sanxenxo (aquí os resultados).