![](/web/cache/scene/uploads/fotos/foto/b37/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/561e0c4d1d-_fase-final-1o-dia21_2015.jpg)
© J.Juanatey / Nolitennis
O Mercantil acolle os primeiros partidos do cadro final no Internacional Junior de Tenis
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O IV Torneo Internacional Junior ITF de Tenis de Pontevedra encara a súa fase definitiva, tras comezar o seu cadro final.
Este mércores complétase a primeira rolda da fase final e iniciarase a segunda, con partidos que están a destacar pola competitividade e o bo tenis das novas promesas.
"É o mellor momento para achegarse a ver tenis e é que xa se están enfrontando os xogadores que demostraron estar máis en forma", explican desde a organización do torneo.
Entre os primeiros partidos destacou o papel da catalá Guiomar Maristany, pese a perder o seu partido, pero que puxo en apuros á principal cabeza de serie do cadro feminino, a húngara Panna Udvardy (6-0, 0-6 e 6-3)
A sorpresa foi a eliminación da segunda favorita, a italiana Ludmila Samsonova.
En canto á competición masculina, non se produciron sorpresas entre os principais favoritos, aínda que o cabeza de serie número un, o alemán Louis Wessels, tivo que empregarse a fondo para pasar á segunda rolda.
Pola súa banda un xogador galego conseguiu avanzar no torneo, e é que Rafa Izquierdo gañou ao xermano Jannik Giesse (6-4 e 6-3). Non tivo tanta fortuna o vigués Tomás Currás.