Apuros do BM Pontevedra para desfacerse do BM Porriño (26-24)
Por Redacción
Sufriu o BM Pontevedra para impoñerse con apuros a un recentemente ascendido como o Porriño. A achega en portería foi clave para que os puntos quedasen na casa nun partido discreto, tirando a malo dos pontevedreses.
Despois de levar a iniciativa durante todo o partido, pero con curtas vantaxes, o Balonmán Pontevedra conseguiu a súa máxima diferenza (22-16) a falta de 16 minutos. O partido parecía sentenciado, pero os locais relaxáronse permitindo a reacción dun Porriño que chegou a empatar (24-24) a falta de tres minutos e medio para o final. Dous goles de Miguel Roibás evitaron a sorpresa deixando os puntos en poder do equipo que dirixe Kiko Pazos.
BALONMÁN PONTEVEDRA (26): Eduardo Alonso, Santi Picallo; Víctor Ansias (4), Borja Barco (1), Santi Calvo, Diego Carballa, Rodrigo Carro (2), Erselle (5), Iago Fernández (1), Gonzalo García (2), Fernándo Rey (2), Roibás (4), Alberto Santiago (5) e Jaime Vidal.
BM PORRIÑO (24): Xurxo Ojea (2); Gonzalo Álvarez (4), Francisco Camiño (2), Hugo Candán (4), Samuel Diéguez, Elexpuru, Jorge Estévez (3), Iván Fernández (1), Manuel Guedes, Sergio Pereira, Samuel Pereiro (3), Adrián Rodríguez (1), Manuel Seijo (3) e Aarón Seoane (1).
Árbitros: José Domingo Veiga Gemio e Arturo Gutiérrez Salguero (Estremadura). Excluíron dous minutos a Rodrigo Carro, Iago Fernández e Alberto Santiago, polos locais, e a Iván Fernándes e Samuel Pereiro, polos visitantes.
Marcador (cada cinco minutos): 2-1, 6-2, 8-5, 9-7, 11-10, 14-11 (descanso), 17-15, 19-16, 22-17, 23-21, 24-23 e 26-24 (final).
Incidencias: Pavillón de Príncipe Felipe (Pontevedra). Uns 100 espectadores.
NOVA DERROTA DO POIO ARTAI
Ou moito cambia o equipo ou a tempada pódese facer moi longa para o Poio Artai. Na pista dun dos equipos menos potentes da categoría caeron de forma contundente (32-19) fronte ao Granitos Ibéricos.
Como na xornada inaugural, o partido resolveuse pronto. O Poio volveu ter serios problemas en ataque e aos 15 minutos xa perdía por un claro 8-2, e aínda que reaccionaría levemente para irse ao descanso con só tres goles de desvantaxe (12-9), os inicios da segunda parte foron demoledores para eles, encaixando un elocuente parcial de 9-1 en once minutos, que deixaba o partido sentenciado, ata chegar a ese claro 32-19 final.
Relacionadas:
-
BM Pontevedra acariña a remontada imposible en Coia (29-23) e Poio Artai cae ante Luceros (17-33)
Por Redacción |
-
Seguen sen levantar cabeza BM Pontevedra e Poio Artai, que caen (25-32) fronte a BM Cañiza e Calvo Xiria (34-12)
Por Redacción |
-
Derrotas do BM Pontevedra en Lavadores (30-29) e Poio Artai na Seca ante BM Artabro (18-25)
Por Redacción |
-
Duras derrotas de Balonmán Pontevedra (39-19) fronte a OAR Coruña e Poio Artai (8-31) ante Atlético Novás
Por Redacción |