Dous partidos de sanción para Pablo Carnero
Por Diego Espiño
O Pontevedra Club de Fútbol quedarase sen Pablo Carnero durante as dúas próximas xornadas ligueiras.
O dianteiro granate foi castigado con dous partidos de sanción trala súa expulsión por vermella directa nos últimos minutos do choque ante o Compostela.
Así o confirmou este mércores o Xuíz de Competición, aplicando o artigo 123.2 do regulamento segundo o reflectido polo colexiado no acta, xa que Carnero golpeou a un contrario sen opción de xogar o balón.
Desta forma Luisito perderá ao dianteiro para os derbis rexionais en Ferrol do próximo sábado e dunha semana despois en Pasarón ante o Coruxo.
HÉBER E MARCOS ÁLVAREZ, DÚBIDAS NO RACING
Os granates non serán os únicos que deberán afrontar a próxima xornada con baixas, e é que o Racing de Ferrol permanece atento ao estado físicos de dous dos seus xogadores: Héber Pena e Marcos Álvarez.
Héber permanece á marxe do grupo por molestias de pube e o seu concurso o sábado parece complicado, mentres Marcos Álvarez retirouse este mércores do adestramento no campo anexo da Malata tras sufrir unha pisada e convértese en dúbida.
PREOCUPACIÓN POLO ESTADO DO CÉSPEDE
O estado do terreo de xogo da Malata mellorou con respecto ás últimas semanas, aínda que preocupa a situación do céspede, tanto en Ferrol como en Pontevedra.
O club verde traballa a contrarreloxo para lograr que estea en perfectas condicións. De feito a empresa Cespa comezou a pasada semana con labores de taqueado, ao que se une o pinchado do terreo, a extensión de area e a resementa realizada nos últimos días.
Relacionadas:
-
De novo un solitario gol tomba ao Pontevedra (1-0) ante un dominador Rácing de Ferrol
Por Redacción |
-
O Pontevedra visita o escenario dos seus pesadelos máis recentes
Por Diego Espiño |
-
Samuel Piette, baixa de última hora no Racing de Ferrol para o choque ante o Pontevedra
Por Redacción |
-
Queijeiro sofre unha recaída que complica a súa presenza en Ferrol
Por Diego Espiño |
-
Pontevedra e Compostela xogan a non perder e aburren (0-0)
Por Ramiro Espiño & Diego Torrado |