A cara máis solidaria do Waterpolo Galaico
Por Redacción
O Centro Galego de Tecnificación Deportiva de Pontevedra acollerá, o vindeiro sábado 26 de setembro, un torneo solidario organizado polo Club Waterpolo Galaico.
A competición, na que tamén participarán CW Santiago e Pabellón Ourense, terá un dobre obxectivo, no deportivo preparar o inminente inicio da tempada oficial nas ligas galegas e no social colaborar coa Asociación Duchenne Parent Project España.
No CGTD venderanse rifas e diverso material desta asociación para colaborar coa investigación da Distrofia Muscular de Duchenne (DMD) e de Becker (DMB), enfermidade considerada rara pero que "afecta a uno de cada 3.500 niños en el mundo", explicou na presentación do evento Maite Martínez.
O I Torneo de Waterpolo Solidario con Duchenne e Becker comezará ás 16:30 horas con entrada de balde para o público. Nel xogarase un partido de categoría senior entre Galaico e Pabellón Ourense e varios de categoría infantil e alevín.
Para máis información sobre esta enfermidade e a asociación, na web www.duchenne-spain.org.