O Campionato de España Cadete, primeiro reto da tempada para a Gimnástica
Por Redacción
Aínda non empezou oficialmente a pretempada para os atletas da Sociedad Gimnástica pero o club pontevedrés xa mira de esguello ao seu primeiro reto, o Campionato de España Cadete de Clubs.
O seu equipo feminino xa ten rivais para esta competición, que se celebrará o día 10 de outubro en Valladolid.
Na localidade leonesa as pontevedresas participarán na Final B xunto a Atletismo Valladolid, Puentecilla de Palencia, Canario de Fuerteventura, os madrileños de Alcorcón e Tres Cantos, o Almaraz de Cáceres e o equipo vigués do AVA.
A Gimnástica terá poucos días para preparar o campionato, posto que os adestramentos comezan aínda o 14 de setembro co hándicap de non poder usar a pista de atletismo do Centro Galego de Tecnificación Deportiva, en obras ata o mes de outubro.