350 deportistas para o Tríatlon Cidade de Pontevedra
Por Redacción
Pontevedra volverá respirar o ambiente do tríatlon de competición coa disputa este próximo domingo, 23 de agosto, do XV Tríatlon Cidade de Pontevedra, no que se inscribiron un total de 350 deportistas.
A competición arrancará ás 10:00 horas na ponte dos Tirantes coas categorías populares do YOSITRI, ao que se anotaron 153 atletas, e se pechará cos clasificatorios para o Campionato Galego destinado a deportistas federados.
Nestas últimas probas as distancias serán de 750 metros nadando, 19 quilómetros en bicicleta e 4 quilómetros correndo, mentres dúas das categorías da modalidade popular serán en distancia surpersprint (300 metros de natación, 7,7 quilómetros de ciclismo e 2 quilómetros de carreira).
Os horarios do XV Triatlón Cidade de Pontevedra son os seguintes:
- 10:00 horas: YOSITRI Supersprint masculina.
- 10:05 horas: YOSITRI Supersprint feminina.
- 11:00 horas: YOSITRI Sprint masculina e relevos.
- 11:10 horas: YOSITRI Sprint feminina.
- 12:20 horas: Clasificatorio Campionato Galego feminino
- 12:30 horas: Clasificatorio Campionato Galego masculino.