Os clubs de piragüismo disporán de máis embarcacións subvencionadas pola Deputación
Por Oskar Viéitez
O presidente da Deputación de Pontevedra, Rafael Louzán e Alfredo Bea, presidente da Federación Galega de Piragüísmo, asinaron este venres un convenio de colaboración polo que a administración provincial destinará 60.000 euros para a adquisición de máis equipos e medios.
Unha colaboración que segundo manifestou Rafael Louzán vai a permitir incrementar o número de practicantes desta modalidade deportiva "e que os clubs poidan ter mellores medios para competir".
Segundo se establece no convenio, 40.000 euros serán para a adquisición dunha embarcación de iniciación e varias embarcacións de competición. Os restantes 20.000 euros destinaranse á compra dun vehículo.
Alfredo Bea destacou que esta axuda da Deputación se suma ás subvencións e convenios de colaboración xa concedidos cuxa suma ascende máis de 105.000 euros de investimento tamén concedidas polo organismo provincial a clubs e deportistas federados "que foron un pulo importante para que os nosos padexeiros poidan competir a nivel internacional e os clubs poidan ter un respiro na súa economía".
Segundo Alfredo Bea esta vontade de apoiar o deporte da piragua permitiu que se incrementase en máis de 1.200 o número de licenzas concedidas nos últimos años. Así, hai seis anos a Federación tiña 800 licenzas, o ano pasado alcanzouse a cifra récord de 3.600 licenzas "e este ano podemos chegar" a 4.000 en toda Galicia".