Cardeñosa reforza a defensa do Arosa
Por Redacción
O novo proxecto do Arosa empeza a coller forma. Tras anunciarse as primeiras baixas, a decisión de repescar ao canterano Rubén Martínez e a fichaxe de Hugo Soto, o club arlequinado confirmou unha nova incoporación.
José Manuel Rodríguez Casais, coñecido futbolísticamente como Cardeñosa, comprometeuse co Arosa tras abandonar a disciplina do Boiro, club no que militou as últimas cinco tempadas.
Trátase dun defensa central, capitán esta tempada do Boiro, que reforzará a zaga do equipo adestrado por Piscis.
"O proyeto ambicioso, o interese mostrado e ter amigos dentro do vestiario fixo que fose a miña primeira opción", explicou o xogador en declaracións recollidas polo club arlequinado.
Cardeñosa sinalou ademais que lle ilusiona cumprir o obxectivo que se marcou a entidade de Vilagarcía para o próximo curso e "poder disputar a fase de ascenso".