Jorge Torres e Marga Villaverde, gañadores da II +8K San Xoán
Por Diego Torrado
Nin a calor detivo case dous centenares de atletas, que participaron este sábado na segunda edición da +8K San Xoán de Poio.
Oito quilómetros de esixente pero bonito percorrido entre o Parque da Memoria e o Centro Comercial A Barca, onde concluíu a proba principal.
Jorge Torres foi o primeiro deportista en cruzar a liña de meta cun tempo de 28:39, seguido de Abel Barros (28:46) e Diego González (29:14).
En categoría feminina a vencedora foi Marga Villaverde (36:06), con Guadalupe Lodeiro (36:54) en segunda posición e Pilar Paredes (37:15) completando o podio na terceira.
Á conclusión da carreira absoluta disputáronse as carreiras de menores con saída na Barca. Consulta a clasificación completa no seguinte enlace.