O Haro Deportivo, último obstáculo que terá que superar o Pontevedra para ascender a 2ª B
Por Redacción
O sorteo celebrado na Cidade do Fútbol de Las Rozas emparellou na última eliminatoria da fase de ascenso a Segunda división B ao Pontevedra contra o Club Haro Deportivo de La Rioja. Será o último rival que terá que superar o equipo de Luisito para lograr o ansiado ascenso, tras eliminar o Manzanares.
O conxunto granate disputará o partido de ida o próximo fin de semana no campo de El Mazo, mentres que o partido de volta se celebrará o último fin de semana de xuño no Estadio municipal de Pasarón.
O Haro, cuarto clasificado do grupo 16 correspondente a La Rioja de Terceira división, logrou chegar a esta última rolda tras eliminar ao Caudal de Mieres e ao Castellón, dous equipos cun importante potencial. Ambos os dous foron superados, tras unhas disputadas eliminatorias, na quenda de penaltis.
Este equipo conta con seguir sendo o mataxigantes desta fase superando ao Pontevedra C.F. co obxectivo de festexar o ascenso un día antes da Batalla do Viño no día de San Pedro, o 29 de xuño, unha festividade que se conmemora na Ermida de San Felices, nomeada mellor canto turístico en 2014.
Relacionadas:
-
O Pontevedra repite erros e resultado encomendándose a Pasarón para outra remontada (1-0)
Por Ramiro Espiño |
-
Eliminatoria final para o ascenso a Segunda B: o Haro Deportivo impónse 1-0 ao Pontevedra
Por Redacción | Creada e actualizada
-
A marea granate acompaña o Pontevedra á final co Haro Deportivo
Por Ramiro Espiño |
-
Luisito, pendente da enfermaría
Por Diego Espiño |
-
Un partido de ida con baixas pero tamén con 'marea granate'
Por Redacción |
-
Haro Deportivo, un club centenario e humilde que gañou o dereito a soñar
Por Diego Espiño |
-
O Pontevedra abóase a sufrir pero remonta na prórroga ao Manzanares (2-0) e segue na loita polo ascenso
Por Ramiro Espiño & Diego Torrado |