Jean Marie Okutu, na busca da mínima para o Mundial de Beijing
Por Diego Espiño
É a principal competición atlética da tempada e por iso Jean Marie Okutu quere estar presente nela, no que pode supoñer un paso máis no seu camiño aos Xogos Olímpicos de Río.
O Campionato do Mundo que se disputará do 22 ao 30 de agosto na capital chinesa, Beijing, centra os esforzos do atleta marinense, que aspira a clasificarse na proba de salto de lonxitude.
Para iso Okutu deberá mellorar a súa mellor marca persoal (8,01 metros), xa que a mínima se fixou en 8,10 metros, cinco centímetros menos que a marca necesaria para clasificarse para os Xogos de 2016.
Trátase dun obxectivo que entende como alcanzable, e nas últimas competicións comezou a achegarse aos 8 metros.
Tras lograr en pista cuberta o Campionato de España cun salto de 7,96, Jean Marie non volveu chegar a esa distancia, pero a pasada semana conseguiu no IX Trofeo Alonso Posada de Vigo un rexistro de 7,85 metros e en Salamanca outro de 7,92, aínda que este foi invalidado por vento ilegal.
Okutu achégase así ao seu record persoal, que espera superar nalgunha das próximas citas do calendario que afrontará, a primeira esta mesma fin de semana coa disputa da final polo título da División de Honra de Clubs, na que defenderá as cores do Fútbol Club Barcelona.
Tiempo ten o atleta galego de lograr unha mínima que lle daría acceso ao seu primeiro Campionato do Mundo Absoluto.
Relacionadas:
-
Okutu voa ata os 8,04 metros en lonxitude pero queda a un paso da mínima mundialista
Por Redacción |
-
Okutu, subcampión de España pero sen mínima para o Mundial
Por Redacción |
-
Okutu, convocado por España para participar no Europeo de Seleccións en Cheboksary (Rusia)
Por Redacción |
-
Pablo Dapena e Jean Marie Okutu, entre os novos recoñecidos pola Xunta como deportistas de alto nivel
Por Diego Espiño |
-
Meritorio quinto posto de Jean Marie Okutu no Europeo de atletismo en pista cuberta
Por Redacción |
-
Okutu revalida o seu título nacional de lonxitude baixo teito e logra a mínima para o Campionato de Europa
Por Redacción |
-
Jean Marie Okutu afronta unha nova tempada cun só obxectivo en mente: "Quiero ir al Mundial como sea"
Por Diego Espiño |