Enfermaría case baleira para afrontar o play-off de ascenso
Por Diego Espiño
O tramo decisivo da tempada chega sen apenas baixas no Pontevedra Club de Fútbol, que xa prepara con intensidade o partido de ida da elimitoria ante o Mensajero.
Luisito intenta estes días pulir aspectos tácticos de cara ao choque na Nova Silvestre Carrillo de La Palma, intentando adaptar os seus ás condicións que alí se encontrarán.
A noticia positiva para o técnico granate é a recuperación de Jacobo, que tras un par de semanas fóra dos terreos de xogo por causa dunha lesión muscular se adestra ao mesmo ritmo dos seus compañeiros e con boas sensacións, polo que estará dispoñible este mesmo fin de semana se o preparador o considera oportuno.
Con Jacobo listo, a única baixa do conxunto pontevedrés no inicio da fase de ascenso será Benja, que progesa positivamente da súa rotura de fibras pero que só chegaría a tempo ás seguintes eliminatorias, en caso de que os granates non consigan resolver o ascenso no cruzamento de campións.
Tamén no Mensajero se traballa estes días co plantel case ao completo, aínda que Miguel Cid contará coa baixa do centrocampista Vianney. Pola súa banda o dianteiro Dani López, que se encontraba minguado fisicamente nas últimas semanas, parece recuperado e podería entrar na convocatoria dos canarios ao igual que a súa recente fichaxe, o atacante Nata.
Relacionadas:
-
La Palma, escenario do primeiro asalto polo ascenso
Por Ramiro Espiño |
-
Madrugón do Pontevedra para emprender viaxe a La Palma
Por Ramiro Espiño |
-
José Emilio e Churruca contan como viviron o Mensajero-Pontevedra de 1984
Por Ramiro Espiño |
-
A "outra" historia dun Mensajero-Pontevedra, case 31 anos despois
Por Ramiro Espiño |
-
As dúas caras do Mensajero, un rival forte no seu estadio e vulnerable a domicilio
Por Diego Espiño |
-
Luisito teme "unha encerrona grande" en La Palma pero avisa: "iremos coa mentalidade de gañar"
Por Diego Espiño |
-
Mensajero, rival do Pontevedra polo ascenso a Segunda B na eliminatoria de campións
Por Redacción |