29 de maio, data para as eleccións á presidencia do Arosa
Por Redacción
A xunta directiva do Arosa decidiu adiantar un mes a convocatoria de eleccións para renovar a dirección da entidade arlequinada.
Aínda que o mandato de Manuel Abalo, que non pretende presentarse á reelección, finaliza o 30 de xuño as eleccións celebraranse o próximo 29 de maio para que a nova xunta directiva teña o tempo suficiente para elaborar o equipo de cara á próxima tempada.
Malia iso os actuais mandatarios seguirán ao mando en xuño para poder sacar adiante o Torneo Cidade de Vilagarcía prebenxamín e benxamín, que se celebrarán na Lomba do 19 ao 21 dese mes.
En relación aos comicios, o próximo venres 15 de maio o Arosa convocará unha asemblea informativa para dar a coñecer o estado económico e deportivo do club, antes da reunión na que se decidirá o novo presidente.
Despois desa reunión informativa abrirase o prazo para a presentación de candidaturas, que permacerá aberto dende o luns 18 de maio ata as 20:00 horas do venres 29, hora na que se celebrarán as eleccións.
Relacionadas:
-
Manolo Abalo reelixido como presidente do Arosa por aclamación
Por Redacción |
-
Manuel Abalo reconsidera a súa postura e preséntase como candidato para seguir presidindo o Arosa
Por Redacción |
-
Un gol de David Pérez ao seu irmán Jorge decide o derbi na Lomba para o Ribadumia (0-1)
Por Redacción |
-
O Deportivo B consegue o subcampionato a custa dun Arosa que di adeus ao play-off (3-1)
Por Redacción |