Claudia aproveita en Rusia os seus primeiros minutos coa Selección Española
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Quedara ás portas de acudir ao Mundial de Costa Rica, para o que estivo preseleccionada, e tivo que esperar ata maio deste ano para debutar co combinado nacional.
Claudia, convocada a última hora para participar no VI Torneo Internacional Día da Victoria de Rusia, gozou dos seus primeiros minutos coa elástica da Selección Española e fíxoo por partida dobre, nos dous primeiros partidos do campionato.
Na primeira xornada, na que España se impuxo 9-1 ao equipo B de Rusia, a xogadora do Poio Fútbol Sala gozou de oito minutos nos que perder os nervios propios do debut. Nese partido tamén tomou parte a súa compañeira de club Silvia Aguete, unha habitual nos plans do seleccionador.
Pero se o debut xa era unha boa noticia, no segundo encontro do torneo, ante Irán (5-0), Claudia volveu gozar de protagonismo.
Tras a disputa das dúas primeiras xornadas España lidera xunto a Rusia a clasificación do grupo, equipos que se xogarán o campionato no choque que os enfrontará este sábado.