Novo podio para Lucía Vázquez cun segundo posto no Open de Madrid
Por Redacción
Abril está a resultar un gran mes para Lucía Vázquez, e é que no que vai de cuarto mes de ano, máis as últimas semanas de marzo, a ciclista de Vilaboa encadeou cinco podios.
O último foi o logrado a fin de semana na Volkswagen Scott Challenge de Colmenar Viejo, proba puntuable para o Open de Madrid de Bike Maratón (XCM).
Lucía rematou segunda nunha carreira que dominou a francesa Muriel Bouhet, mentres Isabel Pérez completou o podio na terceira posición.
A proba transcorreu pola serra madrileña nun circuíto de 70 quilómetros caracterizado pola rapidez na que a galega aproveitou para gañar fonde de cara as próximas citas do calendario nacional e internacional.
A próxima cita para Lucía Vázquez será o domingo 26 de abril na localidade portuguesa de Valongo.