![](/web/cache/scene/uploads/fotos/foto/569/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/55171c93a9-201503228-diegotorrado-teucro-vs-valladolid19.jpg)
© Diego Torrado
Volver encher o Municipal, obxectivo do Teucro cara ao importante partido ante o Bordils
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Restan cinco partidos para o final da liga regular e o Teucro ten claras as súas contas. Con cinco puntos de vantaxe sobre o segundo clasificado, o Go Fit Sinfín, abondaríalle con gañar os tres encontros que aínda debe xogar como local (Bordils, Barcelona B e Palma del Río) para asegurarse o ascenso á Liga Asobal.
Conscientes diso dende o club traballan para volver encher o Pavillón Municipal dos Deportes, onde contan todos os seus partidos por vitorias, o próximo sábado (20:00 horas) ante o Handbol Bordils.
A entidade pontevedresa busca repetir o grande ambiente que axudou a tombar o Atlético Valladolid e por iso decidiu regalar dúas entradas a cada socio para os seus acompañantes.
Ademais o prezo das entradas para o público rebáixase dos 12 euros habituais durante a tempada a 10.
No deportivo o equipo teucrista traballa xa con intensidade recuperado da terceira derrota, a sufrida en Santander, encaixada en 25 xornadas de liga. Faino ademais sen problemas físicos que comprometan a presenza dos xogadores azuis no tramo final da tempada.