A derrota ante Zornotza (65-71) non impide que o Peixe Galego se meta no play-off
Por Redacción
De rebote e sufrindo, pero perdendo o factor cancha. Así logrou meterse no play-off o Marín Peixe Galego, ao caer na Raña ante Zornotza nun partido no que os marinenses foron por diante ata entrado o último parcial.
A falta dunha vitoria que necesitaban, os marinenses encontraron un aliado no seu veciño, o Xuven Cambados, que derrotaba o Basquet Tarragona, único equipo que podía desbancar o Peixe Galego na táboa.
Nin sequera o apoio dunha bancada envorcada cos seus puido impedir que o Zornotza se levase os puntos, grazas especialmente á actuación de Ánder García, que sumou 13 puntos e 8 rebotes para un 17 de valoración, tanto como á falta de acerto no tiro do Peixe Galego, que tan só logrou anotar 10 puntos no último cuarto.
MARÍN PEIXE GALEGO (65): Manu Ferreiro (5), Rogers (16), Azotam (10), Medori (5), Blair (11) -cinco inicial-, Antonio Izquierdo (4), Gregorio Adón (10), Al Rapier (2) e Norman Rey (2).
ZORNOTZA SASKIBALOI TALDEA (71): Sasa Borovnjak (8), Íker Salazar (8), Ibón Carreto (3), Bowman (14), Arturo Cruz (11) -cinco inicial-, David Quero (8), Borja Mendía, Schreiber (6) e Ánder García (13).
Árbitros: Raúl Zamorano Sánchez e Francisco José Zafra Guerra. Sinalaron 20 faltas ao Marín e 18 aos visitantes.Sin eliminados.
Marcadores parciais: 15-21, 19-14 (34-35, descanso), 21-19 (55-54) e 10-17 (65-71, final).
Incidencias: Pavillón Municipal da Raña (Marín).
Relacionadas:
-
Peixe Galego remata sexto vencendo o Sáenz Horeca Araberri (87-81) e xogará o play-off contra Lucentum
Por Redacción |
-
Garfield Blair lidera o Peixe Galego na súa vitoria a domicilio (77-85) ante Viten Getafe
Por Redacción |
-
Ceba Guadalajara non dá opción (78-50) a un Marín Peixe Galego desacertado no tiro
Por Redacción |
-
Marín Peixe Galego necesita a prórroga para dobregar (68-62) ao Barcelona
Por Redacción |