Con todos a punto para o tramo decisivo da tempada
Por Diego Espiño
O Pontevedra Club de Fútbol conta as xornadas que restan para asegurarse o seu primeiro obxectivo da tempada, a presenza matemática no play-off de ascenso.
Con sete xornadas por disputarse, 21 puntos en xogo, os granates poderían clasificarse para a fase de ascenso esta mesma fin de semana, pero o primeiro posto deberá esperar polo menos unhas semanas máis, a pesar dos 11 puntos de vantaxe que os granates teñen con respecto ao segundo, o Cerceda.
Sen embargo o máis positivo para Luisito e os seus xogadores é que o tramo decisivo da tempada chega coa enfermaría baleirándose dos seus últimos inquilinos.
Pedro García recibiu esta semana a alta médica tras superar os problemas musculares que lle apartaron da competición durante case dous meses, polo que o centrocampista está plenamente reincorporado na dinámica de grupo e podería entrar xa na convocatoria ante o Barbadás (domingo 17:00 horas en Pasarón).
Tamén Capi está practicamente recuperado, pero no caso do central quérese actuar con maior precaución para evitar unha segunda recaída que o afaste dos terreos de xogo por un período máis longo.
XORNADA ATÍPICA EN TERCEIRA DIVISIÿN
O encontro entre Pontevedra e Barbadás será un dos tres únicos partidos que se disputará o domingo 5 de abril, xunto ao Deportivo B-Boiro e o Bergantiños Bertamiráns.
Aproveitando os festivos de Semana Santa o resto de choques adiántanse ao xoves 2 de abril, incluíndo o Sanxenxo-Silva (17:00 horas), Ribadumia-Areas (18:00 horas) e Cerceda-Arosa.
Relacionadas:
-
Mal partido e pobre empate do Pontevedra (1-1) fronte a un Barbadás que foi mellor
Por Ramiro Espiño & Diego Torrado |
-
Certificar a clasificación ante o Barbadás, primeiro obxectivo da tempada ao alcance do Pontevedra
Por Ramiro Espiño |
-
Goleada histórica do Pontevedra que non ten piedade (0-8) co débil Bertamiráns
Por Ramiro Espiño & Diego Torrado |