Vilagarcía, capital nacional da vela durante 2015
Por Redacción
O Centro Galego de Vela de Vilagarcía será un punto de encontro fundamental para a vela nacional durante a presente tempada.
As instalacións do centro arousán acollerán durante 2015 ata cinco probas de máximo nivel cubrindo "prácticamente todas las edades y categorías de la vela ligera", explicou o director deportivo da Federación Galega de Vela, Eduardo García.
A primeira destas citas arrancará este mesmo xoves 2 de abril, e ata o día 5, coa Copa España de Optimist, na que se verán as caras 150 embarcacións con regatistas en idade infantil.
Este calendario terá continuación do 30 de abril ao 3 de maio coa Copa España Láser 4.7, cun número máximo de 170 barcos inscritos.
Posteriormente chegará o evento máis importante, o Campionato de España das clases 49er e FX, na que participarán regatistas como a campioa olímpica Támara Echegoyen ou os irmáns Carlos e Antón Paz, que buscan tamén a súa clasificación para Río 2016.
Completan os eventos presentados este martes pola Federación Galega na sede da Deputación la Copa España Láser Radial (do 9 ao 12 de outubro) e a Copa España 420 (29 de outubro a 1 de novembro).