O Arxil cede a cuarta praza tras caer ante o líder nun intenso partido (42-53)
Por Redacción
Nos plans que manexa o Arxil para chegar ata o play-off de ascenso encontrábase como posible unha derrota ante o case intratable líder, o GDKO Bizkaia, e así sucedeu (42-53).
A derrota deixa iso si sen marxe de erro ás verdes nas dúas xornadas que restan, pois perderon a súa cuarta praza en beneficio do Aros León.
O conxunto pontevedrés realizou ante o Bizkaia un gran partido en defensa, pero non encontrou o xeito de facer dano ao seu rival en ataque.
Só Diarrá (14) e Lewis (9) achegaron certa claridade cara ao aro nun choque que empezou igualado (9-13), pero que empezaron a encarrilar as vascas no segundo parcial (19-31).
Na reanudación o Arxil saíu disposto a buscar a remontada, apertando lixeiramente o electrónico (33-41), aínda que o equipo visitate non cedeu e rematou levándose o triunfo do Centro Galego de Tecnificación Deportiva.
CB ARXIL (42): Diarrá (14), Ana Martín (3), Carla (3), María Lago (1), Fallon Lewis (9) -cinco inicial- Ana Román (5), María González (5), Cristina, Sandra (2).
GDKO BIZKAIA (53): Patricia Valiente (7), Bianca (6), Ainara (5), Liñeira (6), Roundtree (9) -cinco inicial- Esther Blanco (2), Jornet (6), Irati, Miren (10), Azkue (2).
Árbitros: Esteve Malmierca e Moreno Ceballos. Eliminada por faltas María Lago noArxil.
Parciais: 9-13, 10-18 (19-31), 14-10 (33-41), 9-12 (42-53).
Incidencias: Partido disputado no Centro Galego de Tecnificación Deportiva de Pontevedra.