O Villalonga cae en Arenteiro (2-1) e perde a ocasión de achegarse á zona alta
Por Redacción
Tres triunfos nas últimas catro xornadas achegaran o Villalonga á zona nobre da clasificación. Faltaban un par de resultados positivos máis para engancharse á loita polo play-off, pero os celestes deixáronse gran parte das súas aspiracións ante o Arenteiro (2-1).
Ocasión perdida despois dun partido levado ao terreo dos locais, que se puxeron por diante aos 6 minutos e despois se limitaron a xogar con esa vantaxe.
O Villalonga apenas inquietou a meta rival, só cando con 2-0 no marcador, xa na segunda metade, foi a pola remontada, pero sen fortuna.
Caamaño recortou distancias no 82, pero foi insuficiente e os celestes quedan na novena praza con 42 puntos, a cinco do cuarto clasificado.
CD ARENTEIRO (2): José, Adrián, Xosé Luis, Daniel Álvarez, Carlos, Dafonte, Martín (Diego Quiroga, min.72), Yago, Daniel Vázquez (Pablo Novoa, min.65), Marcos (Alejandro González, min.69), Ocampo (Víctor, min.58).
VILLALONGA FC (1): Alberto, Reigosa (Héctor, min.69), Darío, Manu, Alberto Villar, Jose (Gabriel, min.54), Alberto Rey, Jesús, Cerqueiras, Albert (Caamaño, min.46), Arias.
Árbitro: Alvariño Cruña. Amoestou a Ocampo, Yago, José e Alejandro nos locais e a Manu e Arias nos visitantes. Expulsou a Yago (min.56) e a Dafonte (min.89) por vermello directo no Arenteiro e a Darío (min.51) e o adestrador Antonio Fernández (min.57) por dobre amarelo no Villalonga.
Goles: 1-0 Ocampo (min.6), 2-0 Daniel Vázquez (min.46), 2-1 Caamaño (min.82).
Incidencias: Partido disputado no campo do Espiñedo.