Goleada do Portonovo ante o Pontellas (0-3) para abrir de novo brecha coa terceira praza
Por Redacción
Despois de dous empates consecutivos o Portonovo volveu á senda do triunfo e fíxoo de xeito contundente na casa do Pontellas (0-3).
Os arlequinados dominaron dende o inicio e gozaron de ocasións de gol para encarrilar o partido moito antes.
Nacho abriu o camiño aos 36 minutos, pero non foi ata o 63 cando encarrilaron o choque co gol de Hugo Soto.
Álex Cubas puxo a sentenza no último minuto para certificar un importante triunfo que confirma ao Portonovo en ascenso directo, na segunda praza, ampliando a vantaxe sobre o terceiro clasificado a catro puntos.
CD PONTELLAS (0): Iván, Adrián, Alejo (Omar, min.68), Diego Barros, Jose, Diego Blanco, Miguel Gómez (Barreiro, min.75), Sergio, Cruz (Cristian, min.68), Darío, Alexandre (Yago, min.46).
PORTONOVO SD (3): Daniel, Agra (Marcos Dopazo), min.62), Gándara, Iván Renda (Marcos Blanco, min.85), Suso Bea, Brian (Víctor, min.68), Álex Cubas, Diego, Hugo Soto, Nacho, Luis Alberto (Manuel, min.70).
Árbitro: García Vázquez. Amoestou a Jose, Diego Blanco e Adrián nos locais e a Agra no Portonovo.
Goles: 0-1 Nacho (min.36), 0-2 Hugo Soto (min.63), 0-3 Álex Cubas (min.89).
Incidencias: Partido disputado no estadio de San Campo.