Bronce por equipos para o Escola Hungaresa no Campionato de España de Sabre M-20
Por Redacción
O equipo feminino da Escola Hungaresa regresou da localidade madrileña de Moralzarzal, onde se disputou o Campionato de España de Esgrima, cunha medalla de bronce na categoría de sabre M-20.
Natalia Fernández, Ana Barros e Antonella Bunimov protagonizaron un notable torneo, cedendo só en semifinais ante o equipo da Sala de Armas de Madrid (45 a 26).
Na loita polo bronce a pontevedresas cruzáronse co segundo conxunto da Sala de Armas, comezando cunha clara desvantaxe no tenteo que chegou a ser de 19 toucados a 30.
Non obstante a Escola Hungaresa repúxose para acabar vencendo por un apertado 45-44 nun emocionante asalto final.
Na competición individual, onde só accedían os mellores 28 tiradores do ránking nacional, Natalia Fernández foi décimo novena e Ana Barros vixésimo primeiro.