Palma del Río, última parada da primeira volta para o Teucro
Por Diego Espiño
Primeiro desprazamento do ano para a Sociedad Deportiva Teucro, que este sábado (18:00 horas) visita a complicada cancha do Palma del Río cordobés, un equipo que "a día de hoy no ha perdido ningún partido en casa", sinala Quique Domínguez.
O técnico azul recupera para a cita a Víctor Rodríguez, pero segue sen non poder contar con Marcos Dorado e Carlos Pombo por lesión.
Pechar a primeira volta cun triunfo é o obxectivo dun Teucro que pretende manter os seis puntos de vantaxe sobre os seus principais perseguidores no ecuador da competición, unha situación que poucos esperaban ao inicio de curso e pola que Domínguez pide cautela ao considerar que "queda mucho por hacer".
O primeiro será dobregar un equipo que "en ataque juega muy sencillo pero con mucha claridad y que cuenta con un gran pivote. Parte de nuestras opciones pasan por defender bien las acciones con el pivote", declarou o preparador pontevedrés antes de empredender o desprazamento a terras andaluzas.
Tras viaxar durante toda a noite do xoves, o equipo azul ten previsto adestrarse preto de Palma del Río este venres coa intención de chegar nas mellores condicións ao duelo ligueiro.