Mantén o pulso o Cisne que sae airoso (23-24) da complicada pista do Calvo Xiria
Por Redacción
Segue o Cisne aboado a sufrir a domicilio, pero tamén a manter o seu pulso no máis alto da táboa. Nunha complicada pista como a de Carballo, os de Edín Covelo cimentaron unha valiosa vitoria na sua defensa, despois de levar a iniciativa, aínda que con curtas vantaxes, durante boa parte do partido.
Despois dun primeiro cuarto de partido presidido pola igualdade, os pontevedreses lograron despegarse para marchar ao descanso cunha importante vantaxe de catro tantos. Esa vantaxe manteríase ata mediado o período final en que os locais empataron primeiro e mesmo se puideron por diante (23-22) a falta de pouco máis de tres minutos.
Pepe Camiña e Pablo Vidal, o mellor do partido, devolveron a vantaxe ao Cisne e a defensa fixo o resto, superando mesmo a inferioridade provocada pola exclusión de Carlos Rodríguez, a falta de 40 segundos.
CALVO XIRIA (23): Martín Gómez, Fraga; Campos, Lema (2), Brais, Pablo Iglesias (5), Alfeirán (1), Facal (2), Anes (2), Méndez (3), Calvete, Bouzas (2), Mario, Pombo (2), Javier Rodríguez (4) e Suárez-Pumariega.
BM CISNE (24): Toño Lafuente, Pablo Galán, Santiago Cuenca; Iván Abilleira, Edu Covelo (1), Álex Chan (3), Pablo Picallo (3), Andrés Sánchez (5), Rafa Dasilva, Miguel Simón, Javi Vázquez (1), Carlos Rodríguez (1), Pablo Vidal (7), Pablo Rey (1) e Pepe Camiña (2).
Árbitros: Santiago Piñera Fombona e Juan Cuesta Miyares (Asturias). Excluíron por dous minutos a Lema, Brais, Anes e Bouzas, polos locais, e a Iván Abilleira, Edu Covelo, Álex Chan (2), Miguel Simón e Carlos Rodríguez, polo Cisne.
Marcador (cada cinco minutos): 2-3, 4-4, 5-5, 7-7, 9-11, 10-14 (descanso), 12-15, 14-16, 17-20, 21-21, 21-22, 23-24 (final).
Incidencias: Pavillón Zona Escolar (Carballo). Uns 100 espectadores.