Santi Malvar logra o bronce en Turquía no Europeo de parataekwondo
Por Redacción
Santi Malvar volveuno facer. O deportista pontevedrés do Mace Sport colgouse, por segundo ano consecutivo, unha medalla no Campionato de Europa de Parataekwondo.
Tras a súa prata en 2013 en Bucarest, Malvar logrou agora un bronce na competición celebrada na localidade turca de Belek.
Santi realizou un gran torneo na categoría A6 -80 quilos, caendo en semifinais ante o ruso Boris Urievich nun apertado combate que se decidiu nos segundos finais. A eses instantes chegouse con empate a dous, pero o pontevedrés non se conformou e lanzouse ao ataque recibindo un toucado á contra que resultou definitivo.
Antes o deportista do Mace Sport derrotara un complicado rival como o finlandés Mati Sairanenpor 10 a 7.
O outro representante galego na competición, Álex Vidal (Natural Sport), conseguiu unha medalla de prata na súa categoría.