Ledicia Seoane, unha pontevedresa no Campionato de Europa de Mushing Terra
Por Redacción
Quinta praza no Campionato de España e terceira na Copa de España de Bikejoring feminino. ÿ a bagaxe coa que a pontevedresa Ledicia Seoane se lanza esta fin de semana á aventura no Campionato de Europa de Mushing Terra.
Seoane será unha dos 345 'mushers' de 20 países que participarán entre o 28 e 30 de novembro no Europaeo na localidade francesa de Lamotte-Beuvron, 170 quilómetros ao sur de París.
Ledicia competirá coa súa cadela Kira no bikejoring nun percorrido de 6,4 quilómetros.
Tamén estará en Francia o vilagarcián Kiko Martínez, no seu caso para participar no canicross de veteranos, disciplina na que finalizou en cuarto lugar na primeira proba da Copa de España, celebrada hai poucos días.
Xunto a eles estarán outros catro deportistas da provincia, os vigueses Alejandro Gómez, ÿscar Piñeiro e Noelia Piñeiro e a catoirense Mónica Touriño, todos eles pertencentes ao club Alejandro Gómez-Purina.
O venres 28 disputarase o canicross de vetranos, mentres sábado e domingo será quenda das categorías sénior de canicross e bikejoring dentro dun deporte, o mushing, no que os cans xogan un papel moi importante dentro dos equipos.