Fredi Bea, na nova directiva da Federación Española de Piragüismo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O zamorano Román Mangas será reelixido presidente da Federación Española de Piragüismo o próximo día 16, a día de hoxe é o único candidato, e con el levará ao máximo mandatario da Federación Galega, Fredi Bea, que se incorporará á xunta directiva encabezada por Mangas ata os Xogos Olímpicos de Río en 2016.
O piragüismo galego conta tradicionalmente con peso no panorama nacional, como referenda o papel da delegación española en Londres, coa quinta medalla de David Cal e o diploma olímpico de Teresa Portela. Por esa razón Mangas visitou o encoro pontevedrés de Verducido para reunirse cos que serán os representantes do piragüimo galego na Asemblea Xeral da Federación Española no próximo ciclo olímpico.
Román Mangas quixo evidenciar a importancia de contar cunha instalación como a do Pontillón do Castro na formación de novos padexeiros, "el piragüismo gallego volverá a ser protagonista del ciclo olímpico Brasil 2016 y seguro que también de los Juegos de Río. La pista de Verducido está siendo determinante para ello".