Paso de xigante de Irene Trabazo na Copa de España de Ciclocrós cun dobre triunfo no País Vasco
Por Redacción
No seu primeiro ano na categoría júnior Irene Trabazo vai camiño de conseguir o título de campioa da Copa España de Ciclocrós.
Aínda queda moito que pedalear, pero a pasada fin de semana a deportista do Club Ciclista Marín deu un paso de xigante cun dobre triunfo no País Vasco.
Trabazo impúxose con comodidade nas probas disputadas en Ametzaga de Zuia e Elorrio aproveitando a ausencia da súa principal rival ata o momento, Desirre Duarte.
Cos 50 puntos logrados esta fin de semana a marinense abre un oco de 49 coa súa inmediata perseguidora, que pasa a ser Paula Díaz (96), polos 85 de Duarte.
Por outra parte o seu compañeiro de equipo Guillermo García asinou unha décimo sétima e unha sexta praza respectivamente e sitúase no sétimo posto da xeral en categoría cadete.
A sétima proba puntuable da Copa de España disputarase en dúas semanas en Navia.
Relacionadas:
-
Irene Trabazo debuta na Copa do Mundo de Ciclocrós rematando no posto 49 en Zolder (Bélxica)
Por Diego Espiño |
-
Marín prepárase para recibir ao mellor ciclocrós galego
Por Redacción |
-
Irene Trabazo mantense á fronte da Copa de España de ciclocrós despois de catro probas
Por Redacción |
-
Irene Trabazo debuta en categoría júnior con triunfo e liderado na Copa de España de ciclocrós
Por Redacción |