O Pontevedra Rugby Club reármase cunha xusta vitoria ante o Universidade de Vigo B (24-14)
Por Redacción
O Pontevedra Rugby Club retomou a senda do triunfo este fin de semana tras a súa axustada derrota no derbi lerezano e fíxoo cunha merecida vitoria ante o Universidade de Vigo B.
O campo de Monte Porreiro foi escenario dun choque no que os pontevedreses mandaron dende o inicio ante o espírito loitador dos vigueses.
Así, nin a perda ao comezo de partido de dous dos seus xogadores titulares descompuxo ao PRC, que aos 11 minutos mandaba 14-0 tras os ensaios de Chema Fernández e Javi Arca e as transformacións de Chamy Doval.
Ao inicio da segunda metade os locais ampliaron a súa renda ata o 24-0 dominando en ataque e mostrándose contundente en defensa.
Ao final o Vigo Rugby B maquillaría o resultado nos últimos minutos con dous ensaios.
Con este triunfo os pontevedreses consolídanse na cuarta praza da Primeira División Galega antes de visitar o líder invicto da categoría, o Club Rugby Ferrol.