O Peixegalego roza a sorpresa ante o Lucentum pero acaba cedendo no último cuarto (60-69)
Por Redacción
A sorpresa roldou o pavillón da Raña, cun motivado Marín Peixe Galego ante un dos máximos favoritos da LEB Prata, o Lucentum de Alicante, pero o maior acerto dos visitantes nos momentos decisivos rematou por decidir o partido (60-69).
Os de Javi Llorente arrancaron moi concentrados mandando no electrónico cunha renda que chegou aos cinco puntos ao termo do primeiro cuarto (20-15).
Algúns minutos sen anotar propiciaron que o Lucentum chegase con vantaxe ao descanso (30-31) pero os bos números en ataque de Rogers ou Azotam mantiñan no choque o Peixegalego, que chegou ao parcial definitivo a só tres puntos (44-47).
Sen embargo nos minutos decisivos os visitantes estiveron máis efectivos, o que unido a unhas protestadas decisións arbitrais provocaron que se distanciasen no marcador sen que os marinenses tivesen tempo para reaccionar.
Con este resultado o conxunto 'peixe' queda na novena praza da clasificación con dous partidos gañados e catro perdidos.
MARÍN PEIXEGALEGO (60): Darío Suárez (4), Rogers (18), Azotam (18), Medori (4), Blair (8) -cinco inicial- Manu Ferreiro, Izquierdo (2), Gregorio Adón, Al Rapier (6), Norman Rey.
LUCENTUM ALICANTE (69): Adrián Fuentes (2), Javier Marín (18), Alejandro Navajas (6), Samuel (4), Pardina (13) -cinco inicial- Setgio Vidal (11), Edu Guillén (4), José Luis González (2), Javier Hernández (5), Bitjaa (4).
Árbitros: Padrós Feliu e Vázquez García. Sen eliminados.
Parciais: 20-15, 10-16, 14-16, 16-22.
Incidencias: Partido disputado nol pavillón da Raña, Marín.