Victoria a domicilio sobre Embutidos Lalinense (30-34) e liderado en solitario para o Cisne
Por Redacción
Sétima vitoria consecutiva do Cisne na sempre complicada pista dun Embutidos Lalinense que malia ir a remolque a maior parte do partido estivo a punto de darlle a volta ao marcador cando o partido parecía sentenciado.
O conxunto pontevedrés realizou un gran partido e conseguiu despegarse no marcador na recta final da primeira metade, cunha máxima diferenza de sete goles, levados da man dun extraordinario Andrés Sánchez, ben secundado por Álex Chan.
Os comezos da segunda parte foron manexados á perfección polo equipo visitante, ata que a falta de seis minutos o conxunto local, que nunca se deu por vencido, conseguía neutralizar a vantaxe pontevedresa (26-26). Pero os de Edín Covelo por medio de Pablo Vidal, Edu Covelo e Andrés Sánchez fixeron un parcial de 0-3 que xa resultaría definitivo.
A vitoria, xunto coa derrota do Seis do Nadal na pista do Chapela, permite ao Cisne situarse como líder en solitario da categoría.
EMBUTIDOS LALINENSE (30): Carlos Durán, Alberto Mouriño; Roberto (9), Cortés (1), Adrián, Pachi Dacosta (4), Carlos Durán, David Fernández, Bruno, Ramón Gil (3), Hermida, Martín (8), Lázara (2), Loson (1), Pedreira, Pereira e Miguel Porto (2).
BM CISNE (34): Toño Lafuente, Pablo Galán, Santiago Cuenca; Pepe Camiña (3), Álex Chan (6), Edu Covelo (2), Rafa Dasilva (1), José Javier Hermida, Pablo Picallo (3), Dani Puente, Carlos Rodríguez, Andrés Sánchez (11), Miguel Simón, Javi Vázquez (3) e Pablo Vidal (5).
Árbitros: Daniel Portela Fernández e Martín Rodríguez Mondelo (Galicia). Excluíron por dous minutos a Roberto, Pachi Dacosta, Bruno (2) e Pereira, polo equipo local, e a Carlos Rodríguez, Andrés Sánchez, Miguel Simón (2) e Javi Vázquez, polo Cisne.
Marcador (cada cinco minutos): 3-3, 5-4, 7-8, 8-11, 10-13, 12-17 (descanso), 15-19, 18-22, 18-24, 22-25, 26-28 e 30-34 (final).
Incidencias: Pavillón Municipal (Lalín).