Clara derrota es (69-83) do Peixegalego ante o potente Cáceres
Por Redacción
Non tivo a súa mellor tarde o Marín Peixegalego na visita dun dos principais favoritos da Liga Adecco Prata, o Cáceres Patrimonio de la Humanidad, e acabouno por pagar (69-83).
O conxunto visitante saíu máis entoado e puxo terra de por medio nun primeiro cuarto con moitas imprecisións no bando local (14-25).
A pesar de inicio negativo os de Javi Llorente reaccionaron no segundo parcial, reducindo a renda ata os cinco puntos en varios momentos e deixándoa en seis no descanso (36-42).
Parecía o equipo 'peixe' decidido a remontar. Aínda que esta vez non estaba entoado Azotam (2 puntos), a súa testemuña tomábana Blair e Rogers (18 puntos cada un), pero de novo no terceiro cuarto Cáceres acelerou para romper o choque e decantalo ao seu favor deixando sen opcións os de Marín.
Con este resultado o Peixegalego queda na sétima praza cun balance de dous encontros gañados e dous perdidos.
MARÍN PEIXEGALEGO (69): Manu Ferreiro (2), Izquierdo, Azotam (2), Medori (6), Blair (18) -cinco inicial- Darío Suárez (1), Kyrylo, Rogers (18), Gregorio Adón (11), Al Rapier (11), Norman Rey.
CÁCERES PATRIMONIO (83): Marco (14), Sebirumbi (11) Ben Mockford (12), Añaterve Cruz (15), Fernando Fernández (16) -cinco inicial- Corrales (6), Jakstas, Parejo (7), Carlos Toledo, Kasse (2).
Árbitros: López Córdoba e González Zumajo. Eliminado por faltas o xogador visitante Fernando Fernández.
Parciais: 14-25, 22-17, 13-24, 20-17.
Incidencias: Partido disputado no Pavillón da Raña, Marín.