O Peixegalego leva o derbi ante o Xuven nun emocionante final (76-78)
Por Redacción
Dende o ascenso de Xuven e Peixegalego á liga LEB Prata o equipo marinense impúxose nos tres derbis e vai camiño de converterse na auténtica besta negra do seu rival máis próximo.
Esta vez non foi menos, co conxunto 'peixe' gañando a domicilio nun emocionante final (76-78).
Ao dominio de Ike Azotam na pintura (24 puntos, 9 rebotes e 23 de valoración), respondía Taylor García para o Xuven a base de triplas (5 de 9) ou o seu compañeiro Nkaloulou (17 puntos e 7 rebotes) para manter a igualdade no electrónico.
Así se chegou ao definitivo cuarto, que comezou cunha tímida renda dos de Marín pero que os locais neutralizaron a falta de dous minutos (72-72).
Anotou Charles Nkaloulou para os amarelos pero Norman Rey respondeu cun triplo vital rematado nas últimas posesións por medio de Gregorio Adón e Rogers. Taylor García, tan acertado dende a liña de tres, fallou un lanzamento que podía ter cambiado o resultado final.
XUVENTUDE CAMBADOS (76): Nakidjim (6), Orellano (2), Nkaloulou (17), Taylor García (18), Bolin (2) -cinco inicial- Whitworth (8), Vaquero (5), Alberto Rodríguez (7), Oubiña, Erik Quintela (11), Green.
MARÍN PEIXEGALEGO (78): Izquierdo, Ike Azotam (24), Medori (4), Blair (10), Manu Ferreiro (6) -cinco inicial- Darío Suárez (3), Kyrylo, Rogers (12), Gregorio Adón (10), Al Rapier (4), Norman Rey (5).
Árbitros: Zamora Rodríguez e García León. Eliminado por faltas Taylor García no Xuven.
Parciais: 18-16, 17-22, 18-21, 23-19.
Incidencias: Gran ambiente no pavillón do Pombal de Cambados.